POUR SAUVEGARDER LA PISCINE DE SIDI AHMED ZAROUG GAFSA


Visiteur

/ #1

2012-06-11 00:24

أنا تولدت وعشت في زروق ومن وقت اللي حليت عيني نلقى دارنا يعدو في سهريات الصيف في البيسين. كلنا تعلمنا نعومو في الشرشارة وعين الشفاء ونعدو القوايل متاع الصيف غادي. كنت كيف تقول زروق تقول البيسين. في الصيف تولي حركية موش عادية في زروق والناس تجي من كل بلاصة باش تتفرهد وتبدل الجو والكار تولي تفرغ وتعبي. الحاصيلو البيسين كان المتنفس الوحيد متاعنا.لا عندنا لا شطوط ولا بحورات ولا بلايص نتفرهدو فيها. البيسين لازم يرجع يخدم كيف قبل ويعملوله اصلاحات وتجديد, صدقوني كان تشوفوه توا كيفاش ولا تبكو عليه حفنة دموع, موحش ومهجور ويخوف. لازمنا نوصلو صوتنا للمسؤولين وان شاء الله يسمعو نداءنا ويستجيبو لطلبنا.