Puèi que d'unes se permeton de parlar en la mia plaça e de me prestar d'idèas que son pas mieunas, ramenti las posicions de la FELCO. Perdon s'aquò pòt semblar de publicitat, mas es per dire que pretendi pas parlar en mon nom personal soncament, mas en lo nom dels professors d'occitan, de lenga d'òc, de provençal, de niçard... que l'apelèsson coma o vòlon segon l'eficacitat sociala del tèrme emplegat.
De'n primièr, amb la FELCO avèm defendut la creacion e defendèm l'existéncia d'un CAPES d'occitan-lenga d'òc. Aquel CAPES permetèt a de centenas de joves (o mens joves) professors d'aver una legitimitat, un salari, una reconeissença (e mai, es lo comble per d'unes signataris del tèxt pietados del couleitieu Prouvènço ! de se dire "professor de provençal"). Sus aquel tèrme de "professor de provençal", ai escrich, e o afortissi aqui, que me gèina pas que sia emplegat dins los parçans ont es mai eficaç que lo mot "occitan". Defendèm las condicions de trabalh dels collègas, la dignitat de sa matèria. O fasèm pas isolats cadun dins son canton, mas en sinergia interacademica, e mai en ligason amb las autras lengas de França dins l'encastre de l'ensenhament public. Avèm escasença de rescontrar lo Ministèri, e a cada còp que sèm dins de negociacions aspras per defendre un concors, de pòstes, de situacions de trabalh, nos cal pèrdre 1/4 d'ora a explicar al Ministèri de qué son aquelas letras que recep e que li dison que l'urgéncia absoluda es de desseparar dins los programas lo provençal de "las autras lengas d'òc", que l'urgéncia absoluda es de crear un CAPES de provençal, que de forçar los paures estudiants d'Ais a legir de tèxtes en "oucitan" es los descoratjar de passar lo concors... Sabi pas se vos imaginatz l'efièch, lo temps perdut, la credibilitat sagatada...
Donc sus la dialectica unitat / diversitat, non solament partatjam complètament las posicions del PEN-club, mas fai bèl brieu que dins nòstre sit avèm una rubrica sus la question.
Aqui n'avètz l'adreiça : http://www.felco-creo.org/mdoc/index_fr.php?categ=ocques.
E nòstra darrièra publicacion après d'atacas contra "d'universitaris de Montpelhièr" :
http://www.felco-creo.org/mdoc/detail_fr.php?categ=ocques&id=1141.
Coma sembla que i a una causa plan partatjadas en cò dels "anti-unitaristas", son las atacas personalas e las allusions perfidas amb una desconeissença totala del trabalh effectiu dels uns e dels autres se los legèires d'aquel forum vòlon saber de qué fan al just los Martel, Verny, Brun e autres, an pas que d'anar sus un bon motor de recerca e i trobaràn nòstre trabalh. Se faràn una idèa d'espereles.

#255: Maria Joana Verny - Las posicions de la FELCO... e las mieunas

Pas besoin de fréquenter les forums pour savoir (comme on le voit très bien ici) que Mary-Jane n'emploie qu'une seule forme d'occitan, la Novlangue que dénoncent avec raison les défenseurs des parlers réels. Ni Cantal ni Montpellier: l'occitan dit "standard", voilà la PRATIQUE CONCRETE de ceux qui, comme elle, voudraient nous faire croire qu'ils défendent la variété !!

On peut croire JF Brun parce qu'il écrit en montpelliérain; on peut croire D. Olivar parce qu'il écrit en provençal; mais Mary-Jane on ne peut pas la croire parce qu'elle fait le contraire de ce qu'elle dit, c'est aussi simple que ça !